सिभिल अस्पतालले भर्ना भएका बिरामीलाई खाना खुवाउन सुरु

काठमाडौँ, जेठ २ गते। निजामती कर्मचारी (सिभिल)अस्पतालले अन्तरङ्ग सेवाका बिरामीलाई निःशुल्क खाना वितरण कार्यक्रम सुरु गरेको छ।

अस्पतालले २०८३ साल जेठ १ गते शुक्रबार बिहान ९ः३० बजेदेखि उक्त कार्यक्रम सुरु गरेको अस्पतालका निर्देशक प्राडा. मोहनचन्द्र रेग्मीले जानकारी दिनुभयो ।

अस्पतालमा भर्ना भई उपचाररत अन्तरङ्ग सेवाका बिरामीलाई लक्षित गरी निःशुल्क खाना वितरण सेवा सञ्चालनमा ल्याइएको उहाँको भनाइ छ ।